Ég og ung vinkona mín söfnuðum greinum og berjum einn daginn og gerðum kransa, sem bíða til jóla.
Í garðinum sem tilheyrir húsunum hér vex berjarunni frá Færeyjum, kallast líklega færeyskt rifs. Hann skartar mjög fallegum berjum, sem í fyrstu eru græn, verða rauð og síðan blá. Mjög fallegar litabreytingar. Í sama beði hefur svo verið sett niður eplatré, sem nú státar af örsmáum eplum. Ótrúlega lífseigar plöntur sem standa af sér storma og stríð.
