Um mig
Anna Njálsdóttir Möller
Konan er komin á eftirlaun sem grunnskólakennari og þess vegna hefur hún tíma til að leika sér hér. Hver árangurinn verður veit enginn.
Ég vonast til að geta sett hér inn sitthvað um sjálfa mig og áhugamálin mín, sjáfri mér til glöggvunar og e.t.v. einhverjum til gagns og gamans.
Ég er með próf frá Kennaraskóla Ísland og er stolt af því. Tel mig hafa haft mörg og góð tækifæri til að mennta mig og öðlast reynslu á ólíkum sviðum sem ég hefði e.t.v. ekki endilega ratað inn á í sambærilegu kerfi og nú gildir í kennaramenntun. Hér lasta ég þau þó alls ekki enda hef ég ekkert kynnt mér þau og ber fulla virðingu fyrir því sem unnið er að í menntamálum landsins í dag . Það breytir því ekki að ég kann að setja fram ákveðnar skoðanir og hugmyndir sem hafa gagnast mér og mínu samferðarfólki í kennslu vel.
Hér kem ég til dyranna eins og ég er klædd og nota það efni sem ég hef unnið með og safnað að mér í gegnum árin, tími ekki að henda og læt róleg frá mér.
Esjan
Ég er svo lánsöm að búa í skjóli Esjunnar. Hún stendur eins og klettur í hafinu og ver okkur fyrir mesta norðangarranum.
